Blog Writing.

တကယ်တမ်း ဘလော့ဂ်ကို မရေးဖြစ်ပဲ ပစ်ထားဖြစ်ခဲ့တာ အတော်လေးကို ကြာလာခဲ့ပြီပဲ။ ကျနော် ဘာမှလည်း မလေ့လာပဲ အိမ်မှာပဲ လေနေတော့ စာရေးစရာ အကြောင်းအရာ မရှိတာရော... အခု ကျောင်းပြန်တက်တော့ အိမ်စာတွေက တစ်ဖက်၊ Facebook ဂိမ်းတွေက တစ်ဖက်၊ ပျင်းရိခြင်းက အရင်လို ကွန်ပျူတာ ဂိမ်းတင်မက၊ Facebook ဂိမ်းတွေပါ ပါလာပြီး ပျင်းရိခြင်း ၈ ပါးနဲ့ဆိုတော့ ဘလော့ဂ်ဖက် မရောက်ဖြစ်တာလည်း ပါတာပေါ့။

တချိန်က ကျနော် ဖိုရမ်ထဲမှာ အတော်လေး ကြာအောင် ရေးခဲ့ဖူးတယ်။ အဲဒီတုန်းကဆိုလည်း နေ့စဉ် ရက်ဆက် ဖိုရမ်ထဲမှာပဲ အချိန်ကုန်တာပဲ။ မျက်လုံးနှစ်လုံး ပွင့်တာနဲ့ ဖိုရမ် စာမျက်နှာကို ဖွင့်၊ မျက်လုံးပိတ်ခါနီးမှ ဖိုရမ် ခမျာလည်း ပိတ်ရရှာတယ်။ ဒါပေမဲ့ နှစ်ကာလ ကြာလာတဲ့ နောက်ပိုင်းမှာတော့ ဖိုရမ်ကို ဝင်မရေးဖြစ်တော့ရုံ မက ဖိုရမ်တွေကို ဝင်တောင် ဖတ်ချင်စိတ် မရှိတော့သလို ဖြစ်သွားတယ်။ အခုနောက်ပိုင်းမှာ ဘယ်ဖိုရမ်မှာ ဘာတွေဖြစ်တယ် ဆိုတာတောင် ဘာမှ မသိတော့ပါဘူး။

ကျနော်ပဲ ငြီးငွေ့ လွယ်တတ်တာလား... ဒါမှမဟုတ် အသက်အရွယ် အပိုင်းအခြားနဲ့ ဆိုင်လို့လား ဆိုတာတော့ မသိပေမဲ့ တခါတလေ တကယ်ပဲ အဲလိုဖြစ်တတ်ပါတယ်။ ကျနော့ဘဝမှာ ဖိုရမ်ရေးတဲ့ ကာလအပိုင်းအခြား၊ အခု ဘလော့ဂ်ရေးတဲ့ ကာလအပိုင်းအခြား ရယ်လို့ရှိတယ် ထင်မိပါတယ်။ အခုနောက်ပိုင်း ဒီလို ဘလော့ဂ်ကို သံယောဇဉ် ပြတ်နေပြီး Facebook မှာ အချိန်ဖြုန်းတာ ကြာလာတော့ တကယ်ပဲ အဲလို နောက်တစ်ကြိမ် တွေးမိပြန်တယ်။ ဘလော့ဂ်ရေးခဲ့တဲ့ ငယ်ဘဝတွေဟာ တကယ်ပဲ ကုန်ဆုံးသွားခဲ့ပြီလား... Facebook မှာ အချိန်ကုန်တဲ့ ကာလ အပိုင်းအခြားကို ရောက်လာပြီလား... လို့ပေါ့။

လောလောဆယ်တော့ ရေးချင်စိတ် ပေါ်တုန်းလေး ရေးလိုက်ပါဦးမယ်။

မာမား

ကျနော်ဟာ ပြည်ပကို ထွက်လာပြီးကတည်းက မြန်မာပြည်က ဆွေမျိုးတွေနဲ့ ခပ်စိမ်းစိမ်းပဲ နေခဲ့ဖြစ်တယ်။ ကျနော့် အကျင့်ကြောင့်မို့ပဲလားတော့ မသိဘူး။ ဒါပေမဲ့ ဘာမှ မတတ်နိုင်၊ ပြန်လည်း မပြန်နိုင်မဲ့တူတူ မေ့ထားတာပဲ ကောင်းတယ် ဆိုပြီး တွေးမိလို့လားတော့ မသိပါဘူး။

ဒါပေမဲ့ ဒီနေ့ မနက်တော့ Facebook မှာ message တစ်ခုဝင်လာတယ်။ မာမား ဆုံးပြီတဲ့။ အင်္ဂါနေ့ည မြန်မာ စံတော်ချိန် ၆ နာရီ ၄၅ တုန်းက။ ကျနော့်ဘဝမှာ မြန်မာပြည်ကို တစ်နေ့ ပြန်ရောက်နိုင်သေးပေမဲ့ မာမားဆီကိုတော့ ဘယ်တော့မှ ပြန်ရောက်နိုင်တော့မှာ မဟုတ်ပါဘူး...

ကျနော့် အဖွားကို တော်တော်များများက မာမားလို့ ခေါ်ကြတယ်။ အဖေရယ်၊ ဦးလေးရယ်၊ အဒေါ်ရယ်က မာမားလို့ ခေါ်ခဲ့ကြတယ်။ အမေလည်း မာမားလို့ ခေါ်တော့ ကျနော်လည်း အဖိုးနဲ့ အဖွားကို ငယ်ငယ်ကတည်းက မာမားနဲ့ ပါပါးပဲ ခေါ်လေ့ရှိခဲ့တယ်။ မာမားက အဖေ့တုန်းကလည်း အရမ်း အလိုလိုက်တယ်။ ကျနော့်ကိုလည်း အလိုလိုက်တယ်လို့ အမေက ပြောလေ့ရှိခဲ့တယ်။ အလိုလိုက်လား မလိုက်လား မသိပေမဲ့ အဖွားအိမ်မှာ နေရတာ ပိုသဘောကျခဲ့တာတော့ အမှန်ပါပဲ။

မာမားဟာ ပန်းချီဆရာပဲ ဖြစ်လာခဲ့ပြီး ကျနော့် အဒေါ်ကပဲ လုပ်ကျွေးခဲ့ရတဲ့ ကျနော့်အဖေရဲ့ ဘဝကို ကြည့်ပြီး ကျနော့်ကို ဘယ်လိုမျှော်လင့်ခဲ့တယ် ဆိုတာကို ကျနော် မသိပေမဲ့ ကျနော် ငယ်ငယ်က မာမားနဲ့ ရွှေတိဂုံသွားရင် ငါ့မြေးကြီးလာရင် ငါ့ကို ကိုယ်ပိုင်ကားနဲ့ လိုက်ပို့နိုင်အောင် ပညာတတ်ဖြစ်အောင် ကြိုးစား ဆိုပြီး ပြောခဲ့ဖူးတယ်။

အဲဒီတုန်းက ကျနော် ကတိပေးခဲ့ မပေးခဲ့ဆိုတာ မသိပေမဲ့ ကျနော့်ရဲ့ ရှိမလာနိုင်သေးတဲ့ ကိုယ်ပိုင်ကားနဲ့ မာမားကို ဘယ်တော့မှ ဘုရားလိုက်ပို့နိုင်တော့မယ် မဟုတ်ဘူး ဆိုတာကိုတော့ ဒီကနေ့ သေသေချာချာ သိလိုက်ရတာပေါ့လေ...

ကျနော့်ဘဝမှာ အရာအားလုံးကို ချန်ထားပြီး တခြားနေရာ ရွှေ့ရွှေ့သွားရတာဟာ အသက် ၁၈ နှစ်ပဲ ရှိသေးပေမဲ့ အထူးအဆန်းတော့ မဟုတ်တော့ပါဘူး။ ကျနော် ထားခဲ့တဲ့ အရာတွေကို နောက်တစ်ကြိမ် ပြန်တွေ့နိုင်ဖို့ သေချာမယ်မဟုတ်ဘူး ဆိုတာကိုလည်း နားလည်စတော့ ပြုနေပါပြီ။ မာမားကို ကျနော် သိပ်ချစ်တယ်လို့ ကျနော် သဘောပေါက်မိပေမဲ့ သူဆုံးတယ် သတင်းကြားတဲ့အခါမှာ ထုံးစံအတိုင်း မငိုမိပါဘူး။

ဘဝတွေဟာ ဒီလိုပဲ ဖြတ်သန်းသွားကြတယ်။

သစ်ရွက်လမ်း

ရုံးကနေ အရင်လိုပဲ ပြန်လာခဲ့တယ်။ အခုချိန် ညနေခင်းရဲ့ ကောင်းကင်ကို မော့ကြည့်တဲ့ အခါ လမ်းဘေးနား သစ်ပင်ကြီးတွေ ဆီကနေ သစ်ရွက်တွေ ကြွေကျနေတာကို တွေ့ရတယ်။ မြေကြီးပေါ် ဒီအတိုင်း ကြည့်ရင်တော့ ရွက်ခြောက် ညိုမဲမဲတွေပဲ တွေ့ရပေမဲ့ ခုလို ပုဇွန်ဆီရောင် သမ်းနေတဲ့ ကောင်းကင်ကြီး နောက်ခံနဲ့ သစ်ရွက် ညိုဝါဝါတွေ ဝေ့လည်ပြီး ကြွေနေကြတာတော့ အတော်လှတယ်။ လိုင်းကားမှတ်တိုင်နဲ့ အိမ်နဲ့ကြားမှာ ဒီ ငါးနှစ်အတွင်း နေ့တိုင်း ခေါင်းငုံ့ပြီး စိုက်စိုက် ငိုက်ငိုက်နဲ့ လမ်းလျှောက်နေကျပဲ။ ဒီနေ့တော့ လမ်းလျှောက်တာ ခဏလေး ရပ်ပြီး မော့ကြည့်နေမိတယ်။ ဖောက်သည်မလာသေးတဲ့ ကြံရည်ဆိုင်က စားပွဲထိုးလေးဟာ ခွေးခြေခုံ ပေါ်မှာ ထိုင်နေရင်း စားပွဲပေါ် ခေါင်းတင်ပြီး အိပ်ပျော်နေတယ်။

ကြည့်နေရင်းနဲ့ပဲ လမ်းတစ်လျှောက်က အပင်ပေါင်းစုံကနေ သစ်ရွက် ပေါင်းစုံ ကြွေကျနေကြတယ်။ သစ်ရွက်ခြောက်တွေ ကြားထဲမှာ ဖိနပ်ကို လျှပ်တိုက်ပြီး လမ်းလျှောက်ရတာကို ငယ်ငယ်ကတည်းက သဘောကျတယ်။ အိမ်ပြန်ရောက်ရင် ရေချိုး၊ ထမင်းချက်ရဦးမယ် ဆိုတာကို ပြန်စဉ်းစားမိမှ ကောင်းကင်ကို ငေးနေလျှက်က ခေါင်းငိုက်စိုက်ပြီး လမ်းလျှောက်ဖို့ ပြင်လိုက်တယ်။

ခြေထောက်နဲ့ ဖိနပ်ကို မြင်တော့ သားရေ ဖိနပ်ကို မမြင်တော့ပဲ ငယ်ငယ်က ဆင်ကြယ်ဖိနပ်လေးကို ပြန်မြင်ရတယ်။ ထမင်းချိုင့်ကို ကိုင်ထားရင်းနဲ့ လွယ်အိတ်ကို နောက်ပြန် ပို့လိုက်ပြီး ပုဆိုးကို ရှည်ရှည် ဝတ်လိုက်တယ်။ ကြံရည်ဆိုင် စားပွဲထိုးလေးသာ ခေါင်းထောင်ပြီး ကြည့်နေရင် ကျနော် ကျေကျေနပ်နပ်ကြီး ပြုံးနေတာကို မြင်ပြီး ဘယ်လိုထင်မလဲ မသိဘူး။ မှောက်အိပ်နေတာ တော်သေးတာပေါ့။ သစ်ရွက်ခြောက်တွေ ကြားထဲ ဖိနပ်လျှပ်တိုက်ပြီး လျှောက်မိတယ်။ အောက်ခြေက သဲတွေက ဖိနပ် အောက်ခြေထဲကို ဝင်လာပြီး ခြေဖဝါးက အေး အေး သွားတယ်။

တစ်လှမ်း နှစ်လှမ်း လျှောက်ရင်း ဘဝမှာ ခေါင်းမော့ပြီး လမ်းမလျှောက်ဖြစ်တာ အတော်ကြာပြီ ဆိုတာကို တွေးမိတယ်။ အဲဒါနဲ့ ခေါင်းကို မော့၊ ကိုင်းညွှတ်နေတဲ့ ခါးကို ပြန်မတ်ကြည့်ပြီး တစ်လှမ်း နှစ်လှမ်း လျှောက်ကြည့်တယ်။ ခက်ခဲလိုက်တာ။ ခါးက အလိုလို ပြန်ကိုင်းသွားတယ်။ မထူးတော့ပါဘူးလေ။ ရုံးရောက်လည်း ဘယ်သူ့ရှေ့ ရောက်ရောက် ခါးကိုင်းထားရတာဆိုတော့ ဒီအတိုင်းပဲ နေတာ ကောင်းပါတယ် ဆိုပြီး တွေးမိတယ်။

ငယ်ငယ်တုန်းက အတိုင်း စိတ်ထဲမှာ ခံစားမိလိုက်တော့ ကျောင်းအပြန် အိမ်မှာ ဘာဟင်းများ ချက်ထားပါ့မလဲ ဆိုတာကို တွေးမိပြန်တယ်။ အဲဒီတော့မှ အမေလည်း ရိပ်သာဝင်နေတာကို ပြန်သတိရပြီး စိတ်ထဲ ညစ်သွားမိတယ်။ မနေ့က ကျန်တဲ့ ငါးနဲ့ ချဉ်ပေါင်ဟင်း ချက်မယ်။ နောက် မြိတ်ငါးပိထောင်း အထုပ်လေးတွေ ကျန်သေးတယ်။ တခါတလေတော့ အမေ့လို ရိပ်သာဝင်နေလိုက်ရင် ကောင်းမလားလို့ စိတ်ထဲ ပေါက်ပေါက်ရှာရှာ စဉ်းစားမိတယ်။

အိမ်ရှေ့မှာတော့ ကုလားထိုင် အပျက်တွေ၊ စာအုပ်ဟောင်းတွေ စုထည့်ထားတဲ့ စတိုခန်းလေး ရှိတယ်။ တကယ်တော့ အရင်တုန်းက အဲဒါဟာ ဆေးခန်းလေး ဖြစ်ခဲ့တယ်။ အဖေ့ရှေ့မှာ အဖေ့ လူနာတွေက အခု ကျနော် ခါးကိုင်းသလို ခါးကိုင်းပြီး ဆရာလို့ အားကိုးတကြီး ခေါ်ခဲ့ကြတယ်။ အခု အဲဒီအခန်းလေးထဲမှာ ဂုန်အိတ်နဲ့ ထည့်ပြီး ချုပ်ထားတဲ့ ကျနော် တစ်ချိန်က ဖတ်ကြည့်ဖူးတဲ့ အဖေ့စာအုပ်တွေရယ်၊ ပလတ်စတစ်ကြိုးနဲ့ ချည်ထားတဲ့ ကျနော့်ရဲ့ ကျောင်းစာအုပ် ဟောင်းတွေလည်း ရှိနေပါတယ်။ နောက် ကျနော့ရဲ့ မျက်မှန် အဟောင်းတွေလည်း ရှိကောင်း ရှိပါလိမ့်မယ်။

အမေ ကျောင်းမှာ မအားသေးလို့ အိမ်ပြန်မလာနိုင်သေးတိုင်း ကျောင်းနဲ့ နီးတဲ့ အဖေ့ဆေးရုံမှာ သွားသွား ထိုင်နေခဲ့ဖူးတယ်။ ကျနော့်စိတ်ထဲမှာ တွေးမိတာက။ အမေ စာမသင်ရင် လူတွေ ပညာမတတ်ရုံပဲ ရှိပေမဲ့ အဖေသာ ဆေးမကုရင် လူတွေ သေကုန်ကြမှာပဲ ဆိုပြီး တွေးမိတယ်။ ဒီလိုနဲ့ ဆရာကြီး ဖြစ်ချင်သလိုလို ဒေါက်တာကြီး ဖြစ်ချင်သလိုလိုနဲ့ ကျနော်ဟာလည်း ဒေါက်တာကြီးမှ ဒေါက်တာကြီး ဖြစ်ချင်လာခဲ့တယ်။ ဒီလိုနဲ့ပဲ တစ်နှစ်ထက် တစ်နှစ် မျက်မှန်က ပိုပို ထူလာခဲ့တယ်။

ကျနော့်ဘဝမှာ ရည်းစား တစ်ယောက်မှ မရှိခဲ့ဖူးဘူး။ ပုပုဝဝ ပုလင်းဖင် မျက်မှန်နဲ့ စာကြမ်းပိုးကို ဘယ်သူက ကြိုက်မှာလဲ။ ကျနော်ကလည်း ဂရုမစိုက်ခဲ့ပါဘူး။ ဆရာဝန်ဖြစ်ရင် ယူချင်ကြတဲ့ မိန်းမတွေမှ ပေါမှပေါ ဆိုတယ်မဟုတ်လား။ အဲဒီတော့ ကျနော့်ဘဝမှာ အသဲကွဲတယ် ဆိုတာ မရှိခဲ့ဖူးဘူး။ တကယ် အသဲကွဲတဲ့ လွမ်းခန်းကတော့ ဆယ်တန်း အောင်စာရင်းထွက်မှ စတာပါ။ ကျနော် ဘာလို့ အမှတ် မမီတာလဲ ဆိုတာကို ကျနော် ဘယ်လိုမှ နားမလည်နိုင်ဘူး။ အောင်စာရင်း ကြည့်ပြီးတာနဲ့ သူငယ်ချင်းတွေနဲ့ မတွေ့ခင်မှာ ကျနော် ပြေးထွက်ခဲ့တယ်။

အဲဒီတုန်းကလည်း လမ်းတစ်လျှောက်မှာ သစ်ရွက်ခြောက်တွေ ပြည့်နေခဲ့တယ်။ သစ်ရွက်ခြောက်တွေကို တဂွမ်းဂွမ်းနဲ့ နင်းနင်းပြီး ပြေးနေရင်း ကြွေကျတဲ့ တချို့ သစ်ရွက်တွေဟာ ကျနော့်ကိုတောင် အတင့်ရဲရဲနဲ့ ဝင်တိုက်ပြီး လမ်းမပေါ်ကို ကျဲပြန့်ကုန်ကြတယ်။ ဒီလိုနဲ့ အမှတ်တွေကိုလည်း နှမြောတာနဲ့ ကျနော်လည်း ကိုယ်ဖြစ်ချင်တဲ့ ဆရာဝန်လည်း ဖြစ်လို့မမီ၊ ကျောင်းဆရာလည်း မဖြစ်ရပါပဲ နောက်ဆုံးတော့ ဗိသုကာ ကျောင်းသား ဖြစ်လာတယ်။ နောက်ဆုံးတော့ အလုပ်က မရနဲ့ ရတဲ့အလုပ် ဝင်ရင်း အခုလို ရုံးစာရေးပဲ ဖြစ်လာတာပါပဲ။ အဲဒါနဲ့ ကျနော်ဟာ နေရောင်နဲ့ ကောင်းကင်ကို မကြည့်နိုင်ပဲ မြေပြင်ကိုပဲ စိုက်ကြည့်ရင်း ခေါင်းငုံ့ လမ်းလျှောက်တတ်ခဲ့တယ်။

ဒီနေ့တော့ ထူးထူးခြားခြား ကောင်းကင်ကို မော့ကြည့်မိတယ်။

ဘာပဲပြောပြော ကြွေကျနေတဲ့ သစ်ရွက်ခြောက်တွေထဲမှာ ကျနော် မပါသေးဘူး။ ကြံရည်ဆိုင် စားပွဲပုပေါ်မှာ မှောက်အိပ်နေရတဲ့ စားပွဲထိုးလေးလည်း မဖြစ်သေးပါဘူး။ လမ်းလျှောက်တာ ခဏရပ်ပြီး မော့ကြည့်နေတုန်း ပူအိုက်နေတဲ့ ရာသီကို ဖြတ်ပြီး တိုက်လာတဲ့ လေပူတွေက မျက်နှာကို လာရိုက်တယ်။ လေပူပဲ ဖြစ်ဖြစ် လေအေးပဲ ဖြစ်ဖြစ် ဒီတစ်ခါတော့ ကျနော့်ကို အားတက်လာစေတယ်။ လျှပ်တိုက်နေတဲ့ ခြေထောက်ကို ကြွပြီး လျှောက်လိုက်တယ်။ ခါးကတော့ လိုလို ပြန်ကိုင်းသွားတယ်။ မနက်ဖျန်လည်း အလုပ်သွားရဦးမယ်။

Paper Game (1.3)

စစ်တပ်၊ ထောက်လှမ်းရေး နှင့် လက်နက်ကြီးတို့ အတွက် ကျရာ ဂဏန်းအလိုက် အရေအတွက် တိုးမည်။ ထောက်လှမ်းရေး အတွက် (အတွင်း/အပြင်) ဟူ၍ နံပါတ် ၂ မျိုးအပြင် ဘေးတွင် ကိုယ့်နိုင်ငံတွင် ရောက်ရှိနေသော အခြားနိုင်ငံမှ ထောက်လှမ်းရေး အရေအတွက်ကိုပါ မှတ်ထားရမည်။ အတွင်း ထောက်လှမ်းရေး အရေအတွက်ထက် အခြားနိုင်ငံများမှ ထောက်လှမ်းရေး အရေအတွက်က ပိုများနေလျှင် နိုင်ငံတကာမှ ထောက်လှမ်းရေး များကို ပြန်ခေါ်ရမည်။ အခြားနိုင်ငံမှ သူလျှိများ လွှမ်းမိုးသွား ပါက အစိုးရကို သူလျှိုအများဆုံး ဝင်နိုင်သည့် နိုင်ငံမှ ဖြုတ်ချကာ ထိမ်းချုပ်မည်။ အခြားနိုင်ငံမှ သူလျှိများကို နေမြဲအတိုင်း ဆက်လက်ထားရှိကာ ဆက်လက် ခြိမ်းခြောက်မည်။

ထိုအခါ အစိုးရ ဖြုတ်ချခံရသည့် ကစားသူမှာ ရှုံးနိမ့်သွားပြီး ကျန်သည့်လူများသာ ဆက်ကစားနိုင်တော့မည် ဖြစ်သည်။

Paper Game (1.1)
Paper Game (1.2)

73

မနေ့က ကျနော် အလုပ်ဆင်းနေတုန်း ဆိုင်ထဲကို အသက်ကြီးကြီး အမေရိကန် အဖိုးနဲ့ အဖွား လင်မယား နှစ်ယောက် ဝင်လာကြတယ်။ အဲဒါနဲ့ ဆိုင်ရှင်က စားပွဲမှာ နေရာချပေးတယ်။ စားပွဲက နှစ်ယောက်ထိုင် ဆိုတော့ ထုံးစံအတိုင်း မျက်နှာချင်းဆိုင် ခုံနှစ်လုံးပေါ့။ ခုံက နံရံနဲ့ ကပ်ထားတဲ့ ခုံရှည်တွေပါ။ တစ်ယောက်တည်း ထိုင်ရင် အတော်လေးကို သက်တောင့်သက်သာ ကျယ်ကျယ်ဝန်းဝန်း ရှိပေမဲ့ နှစ်ယောက် ဝင်ထိုင်မယ် ဆိုရင်တော့ မဆိုစလောက်လေး ကြပ်ပါတယ်။

သူတို့ နှစ်ယောက်ကတော့ ခုံရဲ့ တစ်ဖက်ချမ်းမှာပဲ နှစ်ယောက်ကို ကပ်ထိုင်ကြပါတယ်။ ဒီကလူတွေပဲ ကြင်နာမှု နည်းလို့လားတော့ မသိ၊ စုံတွဲတွေ လာရင် အဲလို တစ်ဖက်တည်းမှာပဲ နှစ်ယောက် အကြပ်အညပ် ခံပြီး စုထိုင်ကြတာမျိုး တွေ့ရလေ့မရှိပါဘူး။ သူတို့ကတော့ သူတို့နှစ်ဦး ဘေးချင်းကပ်လျက်နဲ့ မျက်နှာချင်းဆိုင်ခုံကို အလွတ်ထားပြီး အတူထိုင်ကြပါတယ်။

နောက်ကျ ဝိုင်တွေ မှာသောက်ရင်း ရေခဲတုံးတွေကို ဖန်ခွက်နဲ့ ထည့်လာပေးဖို့ တောင်းတော့မှ ကျနော် ဟိုးအရင် တစ်ပတ်ကလည်း တွေ့ခဲ့ဖူးတယ် ဆိုတာကို မှတ်မိတယ်။ အဲလို ဖန်ခွက်နဲ့ ရေခဲတုံး တောင်းတာက တခြားလူတွေ မတောင်းဖူးလို့ပါ။ ဟိုးအရင် တစ်ပတ်ကလည်း အဲလိုပါပဲ။ ဝိုင်လေး သောက်လိုက်၊ နောက် နမ်းပါ နမ်းလိုက်သေး။ အဲဒီနေ့ကတော့ ကျနော် စဉ်းစားတာပေါ့... အဖိုးနဲ့ အဖွား မင်္ဂလာ နှစ်ပတ်လည်တွေ ဘာတွေ ဖြစ်မှာပဲ ဆိုပြီး။ ဒါပေမဲ့ ဒီကနေ့လည်း အဲလိုပဲ ဆိုတော့ သူတို့ကို ကြည့်ရတာ အမြဲ အဲလိုပဲ ထင်မိတယ်။

နောက် တရုတ်အမျိုးသမီး စားပွဲထိုးနဲ့ ဘာတွေ ပြောနေမှန်း မသိ ပြောနေကြလေရဲ့။ ကျနော်လည်း ဟင်းခွက်တွေ ရှင်းပြနေတာဆို ကိုယ်လည်း ရှင်းပြတတ်အောင် အနားကပ်ပြီး နားထောင်တာ အကျင့်ရနေတော့ တစ်ချက်တစ်ချက် နားရွက်ထောင်ထောင် နေမိတာပေါ့။ ဒီတစ်ခါကတော့သူတို့ မှာထားတဲ့ အစားအသောက်တွေကို စားမကုန်လို့ အထုပ်ကြီးနဲ့ ထုပ်ခိုင်းနေတုန်း ဒီအတိုင်း ထွေရာလေးပါး ပြောနေကြတာပါ။ အဖွားကလည်း ပြုံးပြုံးရွှင်ရွှင်... အဖိုးကတော့ နည်းနည်း အော်အော် ပြောတတ်တယ်။ နားအနည်းငယ် စွမ်းအားလျော့နေပြီ ထင်ပါရဲ့။ အဖွားက ငယ်ပုံရတယ်။ အဖိုးထက်စာရင် နည်းနည်း နုသလို ထင်ရတယ်။ ကျနော်လည်း တစ်ဖက်မှာ စားပွဲကြီး သိမ်းနေတာနဲ့ တစ်ချက် တစ်ချက် လှည့်ကြည့်တာက လွဲလို့ အစောပိုင်း ပြောတာတွေ သွားနားမထောင် ဖြစ်ဘူး။ ဒါပေမဲ့ ကျနော့် စိတ်ထဲမှာ တကယ်လို့ ရိုင်းရာ မကျဘူးဆို သူတို့ စုံတွဲ အသက် ဘယ်လောက် ရှိပြီလဲ... အတူတူ ရှိနေကြတာ ဘယ်နှနှစ် ရှိပြီလဲလို့ သွားမေးချင်မိတယ်။ ဘာလို့လဲဆိုတော့ သူတို့ ကြည့်ရတာ သိပ်ပျော်စရာ ကောင်းလို့ပါ။

အခုလည်း ဟို တရုတ်အမျိုးသမီး ပြောတာကို အဖိုးက နှစ်ခါ ပြန်မေးရင် အဖွားက နားအနားကပ်ပြီး နောက်တစ်ခါ ထပ်ထပ် အော်ပေးရတယ်။ အဲလိုနဲ့ ကျနော်လည်း သိမ်းတာပြီးသွားလို့ စိတ်ဝင်စားတာနဲ့ ရပ်ပြီး နားထောင်နေတော့ သူ တရုတ်ပြည် သွားခဲ့ဖူးတဲ့ အကြောင်းကို ပြောပြတဲ့ အခန်း ရောက်နေတယ်... အဖိုးက သူ တရုတ်ပြည်ကို ၁၉၃၆ ခုနှစ်က အဖွားနဲ့ အတူ သွားခဲ့တယ်လို့ ဆိုတယ်။ ဒုတိယ ကမ္ဘာစစ်တောင် မဖြစ်ခင်က ဆိုတော့ တော်တော်လေးတောင် ကြာခဲ့ပြီပဲ။ နောက်ပြီးတော့ အဖွားလက်ကို ဆွဲပြီး... "ငါ သူနဲ့ ၇၃ နှစ်လုံး အတူတူ ရှိခဲ့ပြီးပြီ ဒါပေမဲ့ ငါ သူ့ကို ခုထိ ချစ်နေတုန်းပဲ..." လို့ ထုံးစံအတိုင်း အကျယ်ကြီး အော်ပြောတယ်။ အဖိုးကလည်း ပြုံးလို့... အဖွားကလည်း ပြုံးလို့...

သူတို့ ဘဝကို ကြည့်ပြီး ကျနော် တော်တော် သဘောကျမိတယ်။ အသက်ကို မမေးလိုက်ရပေမဲ့ ၁၉၃၆မှာ ချစ်သူ သို့မဟုတ် ဇနီးနဲ့ တရုတ်ပြည်ကို သွားလည်နေပြီ ဆိုတော့ အသက်က ၉၀ လောက်တော့ ပျော့ပျော့ ရှိလောက်ပါပြီ။ သူတို့မှာ ကျနော့်ထက် သုံးပြန်လောက် အသက်ကြီးတဲ့ ဖိနပ်တွေ၊ ကုတ်အင်္ကျီတွေတောင် ရှိနေလောက်တယ်။ :)

ဘဝမှာ အဲလို စုံတွဲအနေနဲ့ ဒီလောက် အကြာကြီး မကွဲပဲ အတူ နေနိုင်ဖို့ဆိုတာ မလွယ်ကူပါဘူး။ ကိုယ် မပျက်စီးရင်တောင် သူ ပျောက်ကွယ်သွားနိုင်ပါတယ်။ ဒီခေတ်ကြီးမှာ ရောဂါတွေကလည်း ပေါပါဘိနဲ့... အဲလောက်အထိ အသက်ရှင်နိုင်ခဲ့လည်း ဒီလို အရွယ်မှာ စားသောက်ဆိုင်ကို ကျန်းကျန်းမာမာ လာနိုင်ပြီး အတူတူ ထိုင်၊ ဝိုင်လေးသောက်ပြီး နေနိုင်ဖို့ဟာ ဗုဒ္ဓဘာသာ အလိုအရဆို နည်းတဲ့ ကုသိုလ်မှ မဟုတ်တာလို့ ပြောရမှာပါပဲ။ ကျနော့်ဘဝမှာ (အဲလောက်အထိ အသက်ရှည်မယ်လို့ မခန့်မှန်းသော်ငြားလည်း...) နောက်ဆုံး အချိန်လေးတွေကို အဲလိုမျိုး ဖြတ်သန်းရရင် ဘယ်လောက်များ ကောင်းလိုက်ပါ့မလဲလို့ တစ်ဆက်တည်း တွေးမိတယ်။

May Day 2009

မနေ့က May Day မှာ ထူးထူးခြားခြား မရှိပေမဲ့ အလုပ်သမားတွေကို ဂုဏ်ပြုသောအားဖြင့် ဆိုပြီး တူတံစဉ် အင်္ကျီကို အထဲက ခံဝတ်၊ ရှပ်အင်္ကျီကို အပေါ်ကနဲ့ အလုပ်သွားတယ်။ အဲဒါ ဆိုင်က အလုပ်ဆင်းတဲ့အချိန် လခထုတ်ဖို့ ထိုင်စောင့်နေရင်း ရှပ်အင်္ကျီကို ကြယ်သီးချွတ်ထားလိုက်တာ ဆိုင်ရှင်ရဲ့ အမျိုးသမီး အဒေါ်ကြီးက ကွန်မြူနစ် တံဆိပ်လားလို့ မေးတယ်။ ကျနော်ကလည်း အလုပ်သမား လယ်သမားတံဆိပ်ပါ။ ဒီနေ့က အလုပ်သမားနေ့လေလို့ ပြောလိုက်တယ်။ ကွန်မြူနစ် တံဆိပ်နော် ဆိုပြီး လန့်နေသေးတယ်။ အဲဒီ အဒေါ်ကြီးက တရုတ်ပါ။ တလောက မားသားကြီးနဲ့ အမေရိကန် ပါလီမန် ရှေ့ကို အဲဒီ အင်္ကျီ ဝတ်ပြီးသွားတာ အဖြူတွေတောင် ဘာမှမပြောဘူး မနေ့က တရုတ် အဒေါ်ကြီးက တူတံစဉ်ကို လန့်နေတယ်။ အဟီး...

ကျနော်က ဘာရယ်မဟုတ်ပါဘူး။ ကိုယ်သုံးနေတဲ့ ပစ္စည်းတွေထဲမှာလည်း အလုပ်သမားတွေ လုပ်ထားတာက ပြေးလို့မလွတ်သလို၊ ကိုယ် စားနေတဲ့ အစာတွေမှာလည်း လယ်သမားတွေ စိုက်တာနဲ့ ရှောင်လို့မှ မလွတ်တာ။ အဲဒီ အမှတ်အသား ဝတ်ရတာ သဘောကျပါတယ်။ တကယ်တော့ တူ တံစဉ်အစား လယ်ထွန်စက်နဲ့ ကရိန်းကားပုံ လုပ်မှ အခုခေတ်နဲ့ ကိုက်တော့မှာ ဖြစ်ပေမဲ့ ဒီတံဆိပ်လောက် ကောင်းမယ်မထင်ဘူး။ အဲဒါကြောင့် ကျနော် ဒီတံဆိပ်ပဲ သဘောကျမိတယ်။

Me and my mom.

ကျနော့်ဘဝမှာ ဒီနှစ်ပိုင်းတွေမှ (ထူးထူးခြားခြား) ကျနော့်အမေ ကျနော့်ကို ကျေနပ်ရအောင် ကျနော် ကြိုးစားခဲ့တယ်။ ဒါပေမဲ့ ကျနော်သာ မောလို့သွားတယ်... အမေ့အနေနဲ့ ကျနော့်ကို မကျေနပ်တဲ့ အချက်တွေက တစ်ချက်ပြီး တစ်ချက် တိုးလို့သာ လာတယ်။ ကျနော့်အနေနဲ့ အခုနောက်ပိုင်းဆို ဘာလုပ်လို့ လုပ်ရမယ်တောင် မသိတော့ဘူး။

လောကကြီးမှာ ကျနော်ဟာ ဘာကောင်ပဲ ဖြစ်လာလာ ကျနော့်အမေကတော့ ဘယ်တော့မှ ကျနော့်ကို ကျေနပ်နိုင်မယ် မထင်ဘူး။ အသက် ၁၈နှစ်မှာ ဆေးလိပ်မသောက်၊ အရက်မသောက်၊ ပိုက်ဆံမဖြုန်းပဲ နေလည်း အဲဒါဟာ ကျေနပ်စရာရယ်လို့ ဖြစ်မလာဘူး။ ဒီမှာ ဥပဒေအရ အသက် ၂၁ နှစ်မှ အဲဒါတွေ လုပ်လို့ရတယ်... ဒါပေမဲ့ ကျနော် ပြောချင်တာက... ကျနော် ထိုင်းမှာတုန်းက သင်္ကြန်ကာလဆို အကိုကြီးတွေနဲ့ လည်ဖြစ်နေကျပါ။ အဲဒီမှာ သောက်လို့ မရ မဟုတ် ရပါတယ်။ မင်းက အမေကို ကြောက်လို့ မသောက်တာလားကွလို့ မြှောက်ပေးတာကိုတောင် ဟီးဟီးဟဲဟဲနဲ့ ရယ်ပြီး ကျနော် ကွယ်ရာမှာတောင် မသောက်ခဲ့ပါဘူး။ ဒေါ်မေငြိမ်း သား အနေနဲ့ ဒေါ်မေငြိမ်း မျက်နှာပျက်စရာ ကိစ္စတွေ မလုပ်ဖြစ်အောင် ရှောင်ပါတယ်။

ကျနော့်အတွက် ကုန်ကျရတာဆိုလို့ ကျနော် ဒီအိမ်မှာနေတော့ အမေ့အတွက်ဆို အိမ်ငှားခထဲက တစ်စိတ်၊ မီတာခနဲ့ ထမင်းဖိုး လောက်ပဲ ကုန်ကျပါတယ်။ ကျနော်လိုချင်တာတွေ ရှိပေမဲ့ ကျနော် မတောင်းဆိုဘူး။ မိသားစု တစ်စုလုံးအတွက် အခက်အခဲ တွေ့တဲ့အချိန်မှာ ကျနော့် တစ်ဦးတည်း လိုအပ်မှုအတွက် ကျနော် ဘာကိုမှ တောင်းဆိုမှာ မဟုတ်ပါဘူး။ (အဲဒီကိစ္စကလည်း အမေ့ မကျေနပ်မှုတွေ ကျဆင်းအောင် မတတ်နိုင်ဘူး) ကျနော် ဘာမှလည်း မမျှော်လင့်ပါဘူး။ အခု ကျနော် အလုပ်ဝင်တာလည်း ကျနော့်လခက ဘယ်လောက်မှ မရှိပေမဲ့ ကျနော် အကုန်အပ်ပါတယ်။ ကျနော် တခြား ဘယ်နေရာမှလည်း သွားလေ့မရှိတော့ ကျနော် ပိုက်ဆံ လုံးဝ သုံးလေ့လည်း မရှိပါဘူး။ တစ်ပတ်မှာ နှစ်ရက်ပဲ အလုပ်ဝင်ရပြီး ကျန်တဲ့ ၅ ရက် အလုပ်မဝင်ရလို့များ မကျေမနပ် ဖြစ်နေလား မပြောတတ်ဘူး။ အဲဒါကတော့ ဆိုင်ရှင်နဲ့ပဲ ဆိုင်လိမ့်မယ် ထင်ပါတယ်။

အဲဒီအခါ... ဘယ်အပိုင်းကို မကျေမနပ် ဖြစ်သလဲဆိုတော့ ကျနော် အိမ်မှာ ကွန်ပျူတာရှေ့ပဲ နေတော့ ကွန်ပျူတာ ရှေ့ပဲ နေတယ်လို့ မကျေမနပ်ဖြစ်တတ်ပါတယ်။ ဒါပေမဲ့ ကွန်ပျူတာရှေ့ မထိုင်ရင် ကျနော့်မှာ မရှိတဲ့ ဂစ်တာ သွားတီး နေရမလား... ဒါမှမဟုတ် လမ်းပေါ်မှာ ခြေဦးတည့်ရာ လျှောက်သွားနေရမှာလားလို့ အမေ့ကို ကျနော် ဘယ်တုန်းကမှ ပြန်မမေးခဲ့ပါဘူး။ စာအုပ်ဖတ် သွားဖတ်ပေါ့... ဆိုလည်း ဖတ်လာတာက တစ်သက်လုံးပဲ။ မောင်ထူးမြတ် ဖတ်ခဲ့တဲ့ စာအုပ်တွေကို အမှိုက်ကားထဲထည့်ရင် ကား ဆယ်စီးတိုက်တော့ ရလောက်မယ် ထင်ပါတယ်။

ကျနော် ဝတ်တဲ့ ကုတ်အင်္ကျီနဲ့ ပတ်သက်လို့ မကျေမနပ် ဖြစ်ပြန်ပါတယ်။ ဘလော့ဂ်ဂါ အန်တီ ခင်မင်းဇော်ရဲ့ အမျိုးသား ကျောင်းသားတပ်မတော်က ဦးမင်းဇော် ပေးတဲ့ အင်္ကျီလေးပါ။ နဂိုကတည်းက စစ်သွေးက ခပ်ကျွကျွဆိုတော့ ကျနော် အဲလို စစ်အင်္ကျီတွေ ဝတ်ရတာ အင်မတန် သဘောကျပါတယ်။ ကျနော့်အနေနဲ့ စိတ်ရောဂါပဲ ဆိုဆို... လမ်းသွားရင်း ကုတ်အင်္ကျီအိတ်ထဲကို လက်နှိုက်ထားရရင် တော်တော်လေးကို ကိုယ့်ကိုယ်ကိုယ် ယုံကြည်စိတ် ရှိတော့ ကျနော် ဘယ်သွားသွား အမြဲလိုလို အဲဒီ ကုတ်အင်္ကျီ ဝတ်တတ်ပါတယ်။ အဲဒါကို ဟောင်းနွမ်းနေတယ်၊ ဒါချည်းပဲ ဝတ်ရင် ငါ့ကို သူများတွေက ပြောကြမှာပေါ့ ဆိုပြီး မကျေမနပ် ဖြစ်ပြန်ပါတယ်။

ဒီရာသီမှာ ဒါပဲ ဝတ်လို့ကောင်းတယ်ဆိုတော့ တခြား ငါဝယ်ပေးထားတာ ရှိသားပဲ လို့ ဆိုပါတယ်။ အဲဒီ အင်္ကျီက တော်တော်လေး ထူပါတယ်။ အဲဒါ ဝယ်ဖြစ်တာက အမေရိက ထွက်မလာခင် ထိုင်းမှာတုန်းကပါ။ ကျနော် လိုချင်တဲ့ စစ်ကုတ်အင်္ကျီ တစ်ထည်တွေ့တော့ ပြပါတယ်။ ဈေးကြီးလို့ မဝယ်နိုင်ဘူး ဆိုတော့ ကျနော်က လိုမှ မလိုပဲ မယူတော့ပါဘူးလို့ ပြောပါတယ်။ အဲဒီမှာ တစ်ထည်တော့ လိုတယ်ဆိုပြီး အတင်း ရွေးပြီး ဝယ်ခိုင်းတော့ အဲဒီ အင်္ကျီကို ဝယ်ဖြစ်သွားပါတယ်။ ကျနော်ဟာ ကျနော်လိုချင်တာကို မဝယ်ပေးနိုင် ခဲ့တဲ့အတွက် အမေ့ကို အပြစ်မတင်ပေမဲ့ အမေက ကျနော့်ကို သင့်လျော်ရာ တစ်ခု အတင်းဝယ်ခိုင်းပြီး အဲဒါကို မဝတ်တဲ့အတွက် အပြစ်တင်လေ့ရှိပါတယ်။

ဒီလို ဘာမှ မဟုတ်တဲ့ အကြောင်းအရာ ပိစိကွေးလေးတွေနဲ့ ကျနော် အပြောခံရတယ် ဆိုတာ ယုံမှာတောင် မဟုတ်ပါဘူး။ အမေက သူ့မိတ်ဆွေတွေ ရှေ့မှာတော့ သိပ်ပြုံးတတ်ပါတယ်။ ကျနော့်ကို အော်ဟစ်နေရင်းနဲ့လည်း ဖုန်းလာလို့ သူ့မိတ်ဆွေနဲ့ စကားပြောရင် အသံက ချက်ချင်း ပြောင်းသွား တတ်ပါတယ်။ အဲဒီတော့ ကျနော် ဒီပိုစ့်ရေးတော့ ကျနော့်ကို လျှောက်ပြောတယ်လို့ ထင်တဲ့ သူ့မိတ်ဆွေတွေ ရှိမယ်ဆို ကျနော် မအံ့သြမိပါဘူး။

အခု ကျနော်နဲ့အတူ တီတီစီမှာ တက်ခဲ့ကြတဲ့ သူငယ်ချင်းတွေ ဆယ်တန်းအောင်ပြီးတာ တစ်သက်လောက် ရှိလို့ သဘောင်္ ကက်ပတိန်တွေ၊ ဆရာဝန်တွေ၊ အင်ဂျင်နီယာတွေတောင် ဖြစ်ကြပါတော့မယ်။ ကျနော့်မှာ့့၈တန်းမှာ ကျောင်းထွက်ပြီး ထိုင်းကို လိုက်လာခဲ့ရတဲ့အတွက် အမေ့ကို အပြစ်မတင်ခဲ့ပါဘူး။ မြန်မာပြည် နယ်စပ် ကျနော် တက်ခဲ့တဲ့ ကျောင်းက သူငယ်ချင်းတွေ GED စာမေးပွဲ ဖြေလို့ အောင်ကုန်ကြပြီ။ အဲဒီ တစ်ဝက်မှာ ဘာလက်မှတ်မှ မရသေးခင် ကျနော့်ကို ကျောင်းထုတ်လိုက်ပြီး အမေရိက သွားဖို့ ကိစ္စ လုပ်ခဲ့တဲ့ အမေ့ကို အပြစ်မတင်ခဲ့ပါဘူး။ နောက်ဆုံး နယ်စပ်က စစ်စခန်းအထိ ပြန်ပို့ခံရလို့ ကျနော်လည်း ကျနော့်ကိုယ် ကျနော် ဒီတစ်ခါတော့ ထောင်အကြာကြီး ကျရင်ကျ၊ မကျရင်လည်း အသေပဲ၊ ပြန်လာရဖို့တော့ မရှိတော့ဘူးလို့ ထင်နေရတဲ့ အချိန် ရောက်တဲ့အထိ အမေလုပ်တာ မှားတယ်လို့ ကျနော် အပြစ် မတင်ခဲ့ပါဘူး။

အခု မိဘကို တတ်နိုင်သလောက် ကူညီလည်း ကျနော့်အနေနဲ့ အပြစ်တင်ခံရနေတုန်းပါပဲ။ အခန်းထဲမှာ အိပ်ယာ မသိမ်းထားတာက မြင်မကောင်းဘူး ဆိုလို့ ကိုယ့်အခန်းတံခါး ကိုယ်ပိတ်ထားလည်း အဲဒါက ကလန်ကဆန် လုပ်တာပါ ဆိုပြီး အပြစ်တင်ပြန်တယ်။ တခါတလေ ကျနော့်မှာလည်း မိဘတွေ ဖြစ်စေချင်တာ ချက်ချင်း မလုပ်နိုင်ပဲ ကိုယ့်အတွက်လည်း အရေးကြီးတဲ့ ကိစ္စလေးတွေ ရှိနေတတ်တယ် ဆိုတာကို ဘယ်သူမှ နားမလည်ပေးကြပါဘူး။

ကျနော့်အနေနဲ့ အမေ့ကို အေးအေးဆေးဆေး ပြောလို့ အမေကသာ ပြန်မအော်ဘူးဆို ကျနော် ပြောပြ ချင်ပါတယ်။

ကျနော့် အဖိုးအဖွား၊ နှစ်ဖက်လုံးအပါအဝင်... အမေနဲ့ အဖေရော အသက် ၁၈နှစ်မှာ ပျော်ပျော်ရွှင်ရွှင် တက္ကသိုလ် တက်နေခဲ့ကြပါတယ်။ ကျောင်းဆက်မတက်နိုင်ပဲ စားသောက်ဆိုင်မှာ အလုပ်ဝင်လုပ်နေခဲ့ရတဲ့ လူ တစ်ယောက်မှ မရှိခဲ့ကြပါဘူး။ အဲဒါကြောင့် ကျနော့်ဘဝကို ကျနော် သိပ်ပျော်ရွှင် ကျေနပ်နေတယ်၊ ကျနော့်မှာ စိတ်မကျေနပ်မှုတွေ မရှိဘူး၊ လို့တော့ မထင်ကြပါနဲ့။ ကျနော်တို့ မိသားစုမှာ ဒီလဆို အဆင်ပြေပါပြီ ထင်လိုက်တိုင်း ပိုက်ဆံကုန်ဖို့ အကြောင်းအရာတွေက ပေါ်ပေါ်လာတယ်။ ဒီအတိုင်းဆို ကျောင်းတက်ရမယ် ဆိုတဲ့ အချိန်ကျလည်း ဘယ်လို လာဦးမလဲမသိဘူး။ ကျနော် အခုထိ ၈တန်းအောင်တဲ့ အဆင့်ပဲ ရှိနေတဲ့အတွက် လူဖြစ်မလား ခွေးဖြစ်မလား မသိရနိုင်တဲ့ ကျနော့် ရှေ့ရေးအတွက် ကျနော့်မှာလည်း ကျနော့် ပူပန်မှုတွေနဲ့ ပြည့်လျှံနေပါတယ်။

ကျနော့် အမေကို... ကျေးဇူးပြု၍ ကျနော့ကို ကောင်းတဲ့ဖက်ကလည်း နည်းနည်းလေး လှည့်ကြည့်ပေးပါ။ ကျနော့်ရဲ့ များပြားလှတဲ့ အားနည်းချက်တွေကို မြင်နိုင်သလို၊ ကျနော့်ရဲ့ အားသာချက်လေးတွေ၊ ဘယ်လောက်ပဲ နည်းပါးပေမဲ့ ကျေးဇူးပြုပြီး ရှာကြည့်ပေးပါ။ အမေ့ကိုသာ နားလည်မပေးဘူးဆို ကျနော့်အနေနဲ့လည်း တစ်နေ့လုံး အမေ့ကို ထိုင် အပြစ်တင်နေဖို့ပဲ ရှိတယ်။ အပြန်အလှန်အားဖြင့် ကျနော့်ကိုလည်း နည်းနည်း နားလည်ပေးပါလို့ ကျနော် ပြောချင်မိတယ်။